காதல் ஒழிக.....

காதல் ஒழிக..

என் காதல் தேசத்தின் கடவுள் நீதான்..
ஆனால் என்னை ஏன் நாத்திகன் ஆக்கினாய்...

**********************************

காதல் தெய்வீகமானது
அதிக கட்டணம் செலுத்தினால்
சிறப்பு தரிசனம்..

**********************************

நீ நம் காதலுக்காக உயிரையும் கொடுத்திருப்பாய்..
உன் அப்பா அமெரிக்காவில்
மாப்பிள்ளை பாக்காமல் இருந்திருந்தால்..

**********************************

காதலுக்கு ஜாதி, மதம்,
அழகு, வயது என
எதுவும் தடையில்லை..

என் குடிசை வீட்டை நீ பார்க்கும் வரை..

**********************************

கடும் தவம் புரிந்தால் தான்
ஞானம் பிறக்குமாம்..

யார் சொன்னது
உன்னை காதலித்திருந்தாலே போதுமே..

**********************************
என் இதயமே நீதான் என்றாய்
உன் புதுக்கணவன்
இதய மாற்று
அறுவைச்சிகிச்சை நிபுணராமே!